அதில் மேலும் தெரிவிக்கப்பட்டுள்ளதாவது:
விக்கிலீக்ஸ் இணையத்தளம் வெளியிட்டுள்ள முக்கிய தகவல்களால் உலகில் மிகவும் மோசமாகப் பாதிக்கப்பட்ட தலைவராக இலங்கையின் அரச தலைவர் மகிந்தா ராஜபக்சாவே உள்ளார்.
2009 ஆம் ஆண்டு நிறைவடைந்த போரின் போது மேற்கொள்ளப்பட்ட போர்க்குற்றங்கள் தொடர்பாக அனைத்துலக விசாரணைகள் தேவை என்ற கோரிக்கைகளை அவர் தொடர்ந்து எதிர்த்துவருகின்றார்.
இந்த சம்பவத்தில், மனித உரிமைகள் குறித்த அமெரிக்காவின் இரகசிய தகவல் பரிமாற்றமும், மனித உரிமைகள் கண்காணிப்பகம், அனைத்துலக மன்னிப்புச்சபை, அனைத்துலக நெருக்கடிகளுக்கான அமைப்பு போன்றவற்றின் கருத்துக்களும் முக்கியமானவை.
இலங்கையில் மேற்கொள்ளப்பட்ட மனித உரிமை மீறல்கள் தொடர்பில் காத்திரமான விசாரணைகள் மேற்கொள்ளப்படவேண்டும் என இந்த மூன்று மனித உரிமை அமைப்புக்களும் வலியுறுத்தி வருகின்றன.
தனது படையினரும், படை உயர் அதிகாரிகளும் மேற்கொண்ட மனித உரிமை மீறல்களை சொந்த அரசே விசாரணை செய்வது எங்கும் நிகழாதது என அமெரிக்காவின் கொழும்புத் தூதுவர் பற்றீசியா புற்றனீஸ் கடந்த ஜனவரி மாதம் அனுப்பிய தகவலில் தெரிவித்துள்ளார்.
இலங்கையில் மேற்கொள்ளப்பட்ட மனித உரிமை மீறல்களில் இலங்கை படை அதிகாரிகளும், அரச அதிகாரிகளும் குற்றவாளிகள் எனவும், இலங்கை அரச தலைவர் மகிந்தா ராஜபக்சாவும், அவரின் சகோதரர்களும் அதில் உள்ளடங்கியுள்ளதாகவும் அமெரிக்கா தெரிவித்துள்ளது.
போரின் இறுதி நாட்களில் பல நூற்றுக்கணக்கான தமிழர்கள் கண்கள், கைகள் கட்டப்பட்ட நிலையில் நிர்வாணமாக்கப்பட்டு சுட்டுப்படுகொலை செய்யப்பட்டுள்ளதை பல காணெளிகளும், தப்பியவர்களின் சாட்சியங்களும் உறுதிப்படுத்தியுள்ளன.
எனினும் இலங்கையின் அயல் நாடுகளான சீனா, இந்தியா போன்றன இந்த குற்றங்களுக்காக சிறீலங்கா அரசு தண்டிக்கப்படுவதை விரும்பவில்லை. ஆனால் அமெரிக்காவின் இந்த தகவல் திரட்டலின் நோக்கம், சிறீலங்காவில் இடம்பெற்ற போர்க்குற்றங்கள் தொடர்பில் ஐக்கிய நாடுகள் சபையின் விசாரணையை கொண்டுவருவதே என அதில் தெரிவிக்கப்பட்டுள்ளது.
கருத்துகள் இல்லை:
கருத்துரையிடுக